افغانستان بیلن باغلیق سیاسی و مدنی ییغینلرده بیزنی اونیتمه نگ

افغانستان تورک عیاللری ترماغی سیاسي و مدنی جریانلرده اشتراک اېتیش ایسته گی بیلن چیقدی. افغانستان تورک عیاللری بیردملیک ترماغی بعضی مدنی فعاللر نینگ انحصارطلب لیک حرکت لریدن تنقید قیلیب، افغانستان بیلن باغلیق سیاسي ومدنی ییغین، کنفرانس و کینگاشلرده اشتراک اېتیش لری کیره لیگی اوستیده تاکیدلب اوتگن. ترماق خلق‌ارا همجمعیت نی افغانستان بیلن باغلیق مذاکره‌لرده تورک عیاللری نینگ فکر و قره ش لرینی کۉریب چیقیشگه چقیردی. پنجشنبه‌‌ کونی بو ترماق تمانیدن ترقه تیلگن آچیق مکتوبده خلق‌ارا همجعیت دن تورک عیاللری نینگ افغانستان بیلن باغلیق اوچره‌شوولرده مضمونلی و ثمره‌لی اشتراک اېتیشلریگه زمینه یره تیشی کیره ک لیگی اوستیده تأکیدلنه‌دی. ترماق، معلوم بیر شخص یاکه گروه حقیده گپیرمسدن، بعضی مدنی جماعه چیلیک فعاللری آنگلی روشده جمهوریت‌ دوریده هم، و حتی حاضرگی زمانده هم مملکت دن تشقریده بوله یاتگن مدنی فعالیت لرگه خاتین قیزلر فعالیت لریگه توسقین لیک لر یره ته یاتگنیدن تنقید قیلیب، افغانستان نینگ کتته قسمینی تشکیل بیرگن عیاللرگه قرشی سیستماتیک تبعیض گه طالب لر نینگ قتیغ قول سیاست لری بیلن چیت ایل ده فعالیت قیله یاتگن بعضی بیر مدنی جماعه چیلیک لری فعاللری نینگ هیچ قندی فرقی یوقلیگی آچیق لنگن دیر. افغانستان تورک عیاللری بیردملیگی ترماغی افغانستان بیلن باغلیق سیاسي، اجتماعي و اقتصادي جریان لرگه ثمره‌لی اشتراک اېتیشگه تیارلیگینی بیلدیب افغانستان نینگ بوگونی و کیله جگی حقیده اوز فکرلرینی آچیق صورتده بیان ایتیش لری اوته مهم ایکنینی بیلدیرگن. آچیق مکتوب ده افغانستان خاتین قیزلری نینگ موقعی نظرده توتیلمه گنی حاضرگی حاکمیت نینگ انحصار طلب لیک سیاستی نی دوام ایتدیریش حیثیده بهاله نیب بو وضعیت افغانستان خاتین قیزلری نینگ عدالتخواه لیک صفلرینی کوچسیزله نیشی گه سبب بولیشی هم اچیق لنگن دیر. گزارش تیمور بیک رحیم اوغلی