هنر و مدنیت
اوزبیک تیلی بیرمی امریکاده قیزغین کوتیب آلیندی
امریکا نینگ پنسلوانیا ایالتی ده ۲۹.میزان اوزبیک تیلی ملی کونی بیره‌می تدبیری بولیب اوتدی.
یکشنبه کونی آمریکا نینگ پنسلوانیا ایالتیده یشاوچی اوزبیک لرنینگ مدنی و اجتماعی فعاللری تمانیدن ۲۹میزان اوزبیک تیلی ملی کونی بیره‌می تدبیری یولگه قوییلدی . بو احتفالده امریکا نینگ ایریم ایالتلریدن مدنی و اجتماعی شخصیت لر اشتراک قیلگن ایدیلر. احتفال ده صحبت قیلگنلر اوزبیک تیلی نینگ تاریخی اهمیتی، و بو تیل نینگ رواجلنتیریش یوللری، و مملکت ده بو تیل نینگ ترقیاتی اوچون حاکم لر نینگ توجه‌لری خصوصیده توخته لیب بوکبی ییغین لر مملکتی میزنینگ برچه قوم-ایلتلری آره سیده بیرلیک و برابرلیک نی رواجلنتیریب، مملکت رسم و رواجلری و اینیقسه اوزبیک تیلی نینگ ر‌واجی گه کتته حصه قوشیشی اوستیده تاکیدلب اوتدیلر. عینی حالده اولر مملکت دن تشقریده بوکبی ییغین لرنی تشکیل بیریش چیت ایل ده توغیلیب اوسگن ینگی نسل نی تاریخ، فرهنگ، کیم لیک و تیل لری دن خبردار ایتیش گه زمینه یره‌تیشی نی آچیق له دیلر. احتفال نینگ باشقه قسملریده ایسه اوزبیک خلقی تانیقلی صنعتچیلری نینگ کنسرتی بولیب اوتیب، یاشلر شعر و ترانه لر اوقیدیلر عینی حالده بومحفل نینگ باشقه بیر قسمی ایسه اوزبیک خلقی نینگ آشخانه سی کورگزمه سی بولیب اونگه اوزبیک خاتین قیزلری نینگ قولی ده پیشیریلگن مزه لی آذیق آوقت لر نمایش گه قوییلگن ایدی.
جمعیت بحثی
هنوز ایزاح یوُق
بیرینچی بؤلیب فکرینگیزنی یازینگ.