افغانستان
سۉنگگی یامغیرلر و سېل طفیلی افغانستانده تۉرت کیشی هلاک بۉلدی
سۉنگگی یامغیرلر و سېل طفیلی افغانستانده تۉرت کیشی هلاک بۉلدی طالبلر نینگ فلاکتلرگه قرشی کوره‌ش باشقرمه‌سی سۉنگگی کونلرده جوزجان، لغمان، کنر و خوست ولایتلریده کوچلی یامغیر و سېل عاقبتیده تۉرت کیشی حیاتدن کۉز یومگنینی معلوم قیلدی
طالبلر نینگ فلاکتلرگه قرشی کوره‌ش باشقرمه‌سی سۉنگگی کونلرده جوزجان، لغمان، کنر و خوست ولایتلریده کوچلی یامغیر و سېل عاقبتیده تۉرت کیشی حیاتدن کۉز یومگنینی معلوم قیلدی.مذکور باشقرمه نینگ جماعتچیلیک بیلن علاقه‌لر بۉلیمی رهبری محمد یوسوف حماد نینگ پنجشنبه کونی بیز آوازلی خبر آرقه‌لی بو رقملرنی اعلان قیلدی.
اونینگ سۉزلریگه کۉره، بو حادثه‌لر نتیجه‌سیده 25 اوی بوتونله‌ی ویران بۉلگن، 45 اوی اېسه قسماً ضرر کۉرگن.عمومي حسابده 71 عایله تلفات کۉرگن.شونینگدېک، 330 جریب (تخمیناً 66 هکتار) ایکینزار یېر میدانی و 830 دانه قویاش پنېلی هم ویران بۉلگن.اوشبو ولایتلرده عیناً قَیسی کونلرده بو حادثه‌لر صادر بۉلگنی معلوم قیلینمه‌گن.بیراق، طالبلر ترانسپورت و هوا یوللر وزیرلیگی نینگ آب-هوا خدمتی بو ولایتلرده کوچلی یامغیر و سېل خوفی حقیده آگاهلنتیرگن اېدی.
جمعیت بحثی
هنوز ایزاح یوُق
بیرینچی بؤلیب فکرینگیزنی یازینگ.