تیمور اویوشمه سی؛ واشنگتن ده یوز بیرگن دهشتلی واقعه نی قارله دی

امریکا قوشمه ایالتلری نینگ پایتختی واشنگتن دی‌سی شهریده اویوشتیریلگن وحشت لی حادثه‌نی چوقور قیغو بیلن خبر بولدیک. بو فاجعه‌‌لی و غیر انسانی حادثه، جمعیتی‌میزنی چوقور تشویشگه سالدی. بیرینیچدن اوشبو واقعه قربان‌لری نینگ عایله اعضالریده اۉز چوقور همدردلیگیمیزنی بیردیرگن حالده، حادثه‌ده آغیر یره‌لنگن گارد ملی عسکرلریگه تیزلیکده ساغه‌لیشلرینی ایسته‌یمیز. بیرنینگ قطعاً ایشانجیمیز شوکه بونده‌ی جنایت و انسانیتگه قرشی قره‌تیلگن عمللر هیچ بیر پیت آقلنمه‌یدی. تیممور فرهنگی و اجتماعی اویوشمه‌سی بو غیر انسانی هجوم نی اینگ کیسگین سوزلر بیلن قاره له‌یدی، بو تولیق شخصی و جمعیتی میزنینگ قدریتلری، همده اعتقادلریگه بوتونله‌ی ضد بولگن بیرعمل دیر. اوشبو واقعه اشتراکچیلری قانون دایره‌سیده محکوم بولیب، جزاگه تاپشیریشی شرط دیر. شونینگدیک اوشبو حادثه امریکا قوشمه ایالتلری دولتی لری یا که باشقه مملکتلرده یشاوچی افغانستانلیکلر نسبتاً سلبی مناسبت ویا ناتوغری حکم چیقریش اوچون اساس بولیب قالمسلیگی کیرک لیگینی تاکیدله‌یمیز.افغانستان خلقی ییللر دوامیده تروریزم و زوروانلیک نینگ قربانی بولیب کیلگن و میلیونلب یورتداشلریمیز شو فلاکت طفیلی جانیدن، اوییدن و کیله‌جگیدن محروم بولگن. افغانستان خلقی زوروانلیک نینگ قنچه هم آغیر و یمان نرسه بولگنینی بیله‌دی و شو سبب اونی قطعا رد و محکوم قیله‌دی. یینه بیر بار بیز بو وحشیانه هجومنی قتّیق شکلده قلره‌لهیمیز و بونده‌ی حادثه‌لرگه، امریکا قوشمه ایالیتلری حکومتی و خلقی‌نینگ یانیده بولیشیمیزنی بیان ایته‌میز.