سپورت
پرویز محمدی نینگ یگانه آرزوسی کرکیت ملی جماعه‌سیگه عضو بولیش
کریکیت دنیا بویلب ینگی دن رواجله‌نیب باره‌یاتگن اویونلردن بیری سنه له دی
کریکیت دنیا بویلب ینگی دن رواجله‌نیب باره‌یاتگن اویونلردن بیری سنه له دی.
سونگی ییل لرده افغانستان ده هم کریکیت گه قیزیقیش یاشلر اورته‌سیده کینگه‌یب بارماقده.
بو اویون افغانستان نینگ جنوبی حدودلریده انچه ییللر آلدین رواجله‌نیشی گه قره‌مسدن افغانستان نینگ شمالی حدودلریده ینگی اویون.
شمالی ولایت لریده کرکیت تیمی و میدانلرینی تاپیش قیین.چونکه بو ساحه ده هلیگچه سرمایه یاتقیزیلمه‌گن.
پرویز محمدی کریکیت اویونی نینگ شوقی لریدن بیری.
او کیچیک یاشیدن توتیب کریکیت اویونیگه ذوق قیلیب هر داییم کریکت تماشا قیلردی.
افغانستان مسابقه لرینی جوده هیجان بیلن تعقیب قیله دی.
او نه فقط کریکت اویین لرینی ایزلش گه قیزیقه دی بلکه شهریده کریکیت اویونی اوچون هیچ قندی امکانیت بولمسه ده او کریکیت نی اوییدن عادی امکان لر بیلن باشله‌گن. بعضا اوز هم تینگی باله لر بیلن کوچه ده کریکیت اوینشه دی. او شهریده کریکیت میدانی یوقلیگی و امکانیت لر یوقلیگینی ایتیب بو توغریده سرمایه یاتقیزیلیشی کیره‌کلیگی نی سوره‌یدی.
او کریکت اویینیده بولگن شوق و قیزیقیشی سبب بالینگ و بیتینگ ساحه لریده یخشی قابلیت کسب قیلگن دیر. پرویز دنیا کریکت وضعیتی و افغانستان ملی تیمی نینگ حاضرگی شرایطی هم یخشی تحلیل قیلیش گه قادر. او نینگ یگانه آرزو سی بیر کریکتر بولیب وطنیگه و خلقی گه فخر کیلتیریش دیر.
پرویز محمدی نینگ افغانستان کریکیت ملی تیرمه جماعه‌سیگه عضوی بولیشی یگانه آرزوسی ایکنینی ایتیب، اوزی حاضر راشد خان کبی مشهور کریکیتچی لرنی اوزیگه اولگو قیلیب آلگنینی ایته‌دی.
جمعیت بحثی
هنوز ایزاح یوُق
بیرینچی بؤلیب فکرینگیزنی یازینگ.